Honnes 280

Aus Flerschemerisch.de

Was merr so babbelt

Ich habb aach was gefunne.

So?

Willsde nitt wisse was ich gefunne habb?

Was hosden gefunne?

Enn Knopp.

Unn warum verzählsde merr dess?

Weil ich den in doiner Hos gefunne habb.

In moiner Hos war also enn Knopp.

Ja. Enn Bluseknopp.

Enn Bluseknopp?

Ja, enn Knopp ferr e Dameblus.

Woher waaßden dasses enn Bluseknopp iss?

Ich kenn doch Knepp.

Ah ja, unn jetz?

Jetz will ich wisse wie so enn Knopp ...

... in moi Hosedasch kimmt, stimmts?

Ja, dess will ich wisse.

Den habb ich gefunne.

Nitt irgendwo abgedreht?

Wo soll ich dann so enn Knopp abdrehe?

Waaß ichs?

Also naa. Ich habb den im Herrsch gefunne.

So, im Herrsch, omm Stommdisch villeicht.

Ja, doo hotter uff moim Stuhl geleeche.

Unn doo hosden oigesteckt?

Ja, doo habb ich den oigesteckt.

Warum hosden den nitt de Werrtin gewwe?

Den Knopp de Werrtin gewwe?

Ja, villeicht hott die den verlorn.

Gut, dess hätt ich mache kenne.

Hessdess emol gemacht ...

... dann hättsden nitt gefunne.

So isses.

Unn du hättst nitt gefroocht.

Ja, so isses.

Also ...

Also was?

Also, ich habb den oigesteckt weeche ...

... weeche was?

Weeche de Fantasie.

Weeche de Fantasie?

Weil so enn abbene Knopp die ooreeche dut.

Doi Fantasie ooreeche dut? Ha-ha!

Ja, wie kimmt der doohie unn so.

Derr iss halt uff de Stuhl gefalle.

Ja, weiler lose war. Awwer warum?

Unn dess iss was ferr doi Fantasie?

Genau.

E bissi weit weg iss dess schunn.

Fantasie iss immer weit eweck..

Awwer warum denn in die Ferne schweifen ...

Wie moonsden dess?

No ja, du kennst joo aach widder mol ...

Bei dir enn Knopp lose mache?

Ja, villeicht. Odder?

Ach Fraa, doodeferr sinn merr doch zu alt,

unn außerdem iss so enn Knopp was

ferr die Fantasie unn nitt ferr die Arwett.

Eiern Honnes

[[De Honnes|zurück]