Honnes 031
Aus Flerschemerisch.de
Laaf, Schorsch. Laaf!
Omm letzde Sunndaachmoie bin isch omm Bad Weilbach spazierngonge unn habb merr Gedonke gemacht, was de November doch ferrn seltsame Monat iss. Doo hänge iwwerall Newwelfetze unn Reechetroppe unner de kahle Äst von de Bisch unn Beem, awwer die Sunn scheint dorsch se dorsch unn ess glitzert unn funkelt wie - no ja, wie innem Zauberwald. Unn iwwerall werrn Trauermärsch gebloose unn gleichzeidisch die Schelle von de Nannkappe gebutzt - koo Wunner, wenn die Mensche in so emm seltsame Monat uff die komischste Oifäll kumme.
Weil grad, wie ich widder hoom gehe will, steiht vorne uffem Parkplatz ooner außem Audo aus, e Zippelkapp uff und enn stromme Trainingsoozuch oo, unn ich guck unn denk, den Bauch kennsde doch - unn tatsächlich wars moin ahle Kumpel Schorsch. Ich stell mich hinner die Schweffelquell, weil ich sehe will, wasser mächt.
De Schorsch stellt sich newe soi Auto, nimmt e unnadierlich Haltung oo, so wie enn Turnierdänzer, bevor de Tango oofängt, winkelt soi Ärm oo, schwenkt se kräfdisch unn marschiert los.
Doo konnt ich nitt ruhisch bleiwe, stell mich uff de Weech unn ruf: Schorsch! Was mächsden du doo?
De Schorsch kimmt uff mich zu, bleibt stieh unn sät: Gude. Awwer hall mich nitt uff.
Was issen dess, was du doo mächts?, frooch ich, wie kimmsden uff so ebbes?
Doo sät er: Dess Kättche hott e Ceedee von dene Bidls kaaft unn hottse heit Moie uffgeleecht; ich heer dess, denk, die hawwe recht, hipp außem Bett, habb mich oogezooche unn jetz mach ich Pauer-Wooking.
Heer doch uff, habb ich gesaat, gieh doch rischdisch spaziern, dess sieht doch werklich lächerlich aus, wennde die Luft so vor dir her boxt.
Honnes, moont druff de Schorsch, ich merk, du host iwwerhaupt koo Ohnung. Dess isses joo grad, was mett dene Armbeweechunge erreicht werrn soll: Mach derr nix draus, was die onnern denke, befrei dich, sei nor du selbst – du bist du! Unn außerdem werrd mett dem Armpauer mehr Blut in die Glieder tronspordiert.
Ei ja, habb ich gesaat unn habb soi eng Hos oogeguckt, hoffentlich konnsde dann noch laafe?
Schleechtschwetzer, sät de Schorsch, geh merr außem Weech, ich kennt jetz schunn in Wicker soi, unn er fängt außem Stond oo, soi Ärm zu beweeche wie e Dompflokomotiv ihr Kuppelstonge, guckt uff soi Fieß, dasser joo mettem rischdische Fuß ze laafe oofängt unn setzt sich in Beweechung.
Im selwe Aacheblick fällt merr noch was oi unn ich ruf: Schorsch, longsom, was hawwe dann die Bidls heit Moie gesunge, dassde so sportlich bist?
Er iss schunn e Stick weit ewegg, dreht sich awwer nochemol erum unn brüllt ebbes zurick – unn ich denk, wies Kättche omm friehe Moin die Ceedee uffgeleecht hott, hottse bestimmt was onnerst gemoont als de Schorsch.
Ach so, was die Bidls gesunge hawwe? Laaf! Laaf! Laaf!
Eiern Honnes
